ОшМУ 2025-2026-окуу жылына аспирантурага кабыл алууну жарыялайт

Башкы Окуялар

ОшМУ 2025-2026-окуу жылына аспирантурага кабыл алууну жарыялайт

2025-06-10 / 871 / 10:25:00

Документтерди кабыл алуу 2025-жылдын 26-августунан 25-сентябрына чейин жүргүзүлөт.

Кабыл алуу адистиктерин ОшМУнун сайтында https://www.oshsu.kg/ru/page/292 шилтемеси менен көрүүгө болот.

Аспирантурага тапшыруу үчүн документтердин тизмеси:

Аспирантурага кабыл алуу жөнүндө арыз ОшМУнун ректорунун атына берилет, ага төмөнкү документтер тиркелет:

өмүр баян;
жогорку окуу жайын, магистратураны бүтүргөндүгү тууралуу дипломдорунун, ординатураны бүтүргөндүгү тууралуу сертификатынын нотариустан тастыкталган көчүрмөлөрү (чет өлкөлүк жарандар үчүн – алардын билими тууралуу документтеринин эквиваленттүүлүгү жөнүндө күбөлүк);
илимий жетекчисинин макулдугу (илимий жетекчисинин тастыкталган кол тамгасы, мөөрү менен) жана маалыматтары (кандидаттык жана доктордук диссертацияларынын адистиктери, шифрлери, окумуштуулук даражасы, наамы, иштеген жери жана кызматы, телефон номерлери);
жарыкка чыккан илимий эмгектердин, ойлоп табуулардын тастыкталган көчүрмөлөрү (бар болсо);
тиешелүү тармактын адисинин пикири менен тандалган адистик темасы боюнча реферат;
3х4 өлчөмүндөгү 4 даана сүрөт;
кадрлар бөлүмүнөн тастыкталган өздүк баракча;
ОшМУнун тиешелүү профилдик кафедрасынын кеңешмесинин аспирантурага сунуштагандыгы жөнүндөгү протоколунан көчүрмө;
кадрлар бөлүмүнөн тастыкталган эмгек китепчесинин көчүрмөсү;
иштеген жерлеринен маалымкаттар;
паспорттун көчүрмөсү (чет өлкөлүк жарандар үчүн нотариустан тастыкталган котормосу);
окумуштуулар (илимий-техникалык) кеңешинин же мамлекеттик аттестациялык комиссиянын сунуштамaлары (бар болсо);
кандидаттык экзамендерди тапшыргандыгы жөнүндө протоколдор жана мамлекеттик тилди тапшыргандыгы тууралуу сертификат (бар болсо).