Ректор JICA жана KRJCнин мааракелик иш-чарасына катышты

Башкы Жаңылыктар

Ректор JICA жана KRJCнин мааракелик иш-чарасына катышты

Image

2026-02-03 / 194 / 12:02:44

Ош мамлекеттик университетинин (ОшМУ) ректору Кудайберди Кожобеков Бишкекте өткөн JICA жана Кыргыз-Жапон адамдык өнүгүү борборунун (KRJC) мааракелик иш-чарасында катышты. 

Иш-чара 30-январда JICAнын Кыргызстандагы өкүлчүлүгүнүн жана KRJCнин уюштуруусу менен өттү. Маараке 

JICA өкүлчүлүгүнүн жана жапон ыктыярчылар программасынын 25 жылдыгына, KRJCнин 30 жылдыгына арналды.

Жыйындын жүрүшүндө Жапония менен Кыргызстандын ортосундагы көп жылдык кызматташтыктын жыйынтыктары талданып, адамдык өнүгүү, билим берүү жана илим тармагындагы өнөктөштүктүн келечеги талкууланды.

Мааракелик иш-чарада жапон-кыргыз илимий кызматташтыгынын ийгиликтүү мисалы катары ОшМУ менен Токио илим институту биргеликте ишке ашырып жаткан SATREPS эл аралык илимий долбоору белгиленди. Долбоордун алкагында ОшМУнун базасында абанын булганышын изилдөө боюнча IRCAPS илимий борбору түзүлгөн.

Иш-чарага Кудайберди Кожобековдон сырткары долбоордун координатору Роман Калматов, Токио илим институтунун профессору Нобутоши Нава, аталган институттун PhD докторанты, ОшМУнун айкалыштыруучу окутуучусу Айпери Асанбек кызы катышты. Ректор жыйындын алкагында Жапониянын эл аралык кызматташуу агенттигинин (JICA) вице-президенти Йошикава Йошифуми жана аталган өлкөнүн Кыргызстандагы элчиси Хирано Рюити менен жолугушту.

SATREPS программасы Кыргызстандын тарыхында Жапония  менен биргеликте ишке ашырылып жаткан алгачкы ири илимий долбоор болуп саналат.

 

Фото галерея

 

2026-02-04 / 13
ОшМУда бир катар маанилүү маселелер чечилди 
2026-02-03 / 239
ОшМУ шаарды өнүктүрүүгө багытталган долбоорлорун мэрияга сунуштады 
2026-02-03 / 158
ОшМУнун өкүлдөрү Изилдөө жана инновация борборлорунун жыйынына катышты
2026-02-03 / 227
Кудайберди Кожобеков академиялык мобилдүүлүккө келген студенттер менен жолукту