Ош: окуучулар арасында “дары” наркоманиясы боюнча сурамжылоо жүрдү

Башкы Жаңылыктар

Ош: окуучулар арасында “дары” наркоманиясы боюнча сурамжылоо жүрдү

Image

2025-02-26 / 6249 / 11:02:44

Ош шаарындагы алты мектептин окуучуларынан “дары” наркоманиясын алдын алуу боюнча 25-26-февралда анонимдүү сурамжылоо жүргүзүлдү. 

Сурамжылоону “Дары” наркоманиясына каршы күрөш: Кыргызстанда коомдук коопсуздукту камсыздоо үчүн чараларды иштеп чыгуу” долбоорунун эксперти Диларам Мадаминова жана Филология жана маданият аралык коммуникация институтунун волонтер студенттери алышты.

“Буга чейин биринчи баскычта окуучуларга маалыматтар берилген. Экинчи этапта анонимдүү сурамжылоо алынды. Алдыда дилбаян, эссе, сүрөт тартуу сынактары өтөт. Жыйынтыгында апрель айында тегерек стол өткөрөбүз. Окуу-усулдук колдонмолор да жарык көрөт”, - дейт Мадаминова.

Буга чейин долбоордун өкүлдөрү Ош шаарындагы алты мектепте түшүндүрүү иштерин жүргүзүшкөн. Мындан тышкары Баткенде да окутуулар уюштурулган. Долбоор Ош мамлекеттик университетинин доценти Аманай Акматованын жетекчилигинде ишке ашууда. Илимий изилдөө “дары” наркоманиясын алдын-алуу, аныктоо жана дарылоо боюнча натыйжалуу чаралардын комплексин иштеп чыгууну көздөйт.

 

Фото галерея

 

2025-12-12 / 302
ОшМУнун студенти гистология боюнча эл аралык олимпиадада байгелүү орунду ээледи
2025-12-12 / 309
12 жылдык окутуу: башталгыч класстардын окуу процесси талкууланды
2025-12-12 / 256
Окутуучулар Белорусияда орус тили боюнча жаңы изилдөөлөрүн тааныштырды
2025-12-12 / 360
ОшМУ–УрММУ: кош диплом программасынын студенттери эл аралык хирургия олимпиадасында биринчи орунду алды