«Жаркыра, жаш талант!» сынагынын жеңүүчүлөрү аныкталды

Башкы Жаңылыктар

«Жаркыра, жаш талант!» сынагынын жеңүүчүлөрү аныкталды

2026-02-25 / 160 / 02:02:29

24-февралда Ош мамлекеттик университетинде студенттер арасында «Жаркыра, жаш талант!» чыгармачылык сынагы өтүп, мыктылар аныкталды.

Сынакты окуу жайдын коомчулук менен иштөө жана жаштар саясаты боюнча проректору Нуржамал Мапаева ачып, чыгармачыл студенттерге ар дайым колдоо көрсөтүлөрүн белгиледи.

Жобого ылайык, тандоо туруна өткөн 30 студенттин ичинен 19 катышуучу финалда өнөрүн тартуулады. Калыстар тобу аткаруучулук чеберчилигин, сахна маданиятын, үндүн тазалыгын жана чыгарманы ачып берүү деңгээлин баалады. Жеңүүчүлөр эки багыт боюнча аныкталды.

Искусство багытында билим алган студенттер:

1-орун – Нурбек Нармирзаев (Педагогика, искусство жана журналистика институту, 4-курс)
2-орун – Баястан Сайпилла уулу (ПИжЖ, 4-курс)
3-орун – Берик Акматжанов (ПИжЖ, 2-курс)

Башка багытта билим алган студенттер арасынан:

1-орун – Курманжан Эркинбек кызы (журналистика, ПИжЖ, 4-курс)
2-орун – Таңгем Көчкөнбаева (Математика, физика, техника жана маалыматтык технологиялар институту, 1-курс)
3-орун – Раатбек Төрөгелдиев (журналистика, ПИжЖ, 2-курс)

Долбоор студенттердин чыгармачылык потенциалын өнүктүрүү, таланттуу жаштарды аныктоо жана маданий эс алуусун мазмундуу уюштуруу максатында өткөрүлдү. Жеңүүчүлөргө саякатка жолдонмолор, акчалай сыйлыктар, баалуу белектер, дипломдор тапшырылды. Иш-чараны Рыспай Абдыкадыров атындагы маданий-эстетикалык борбору уюштуруп, жаш таланттарды колдоого багытталды.