Ленинград курчоосунун бошотулганынын 82 жылдыгы белгиленди 

Башкы Жаңылыктар

Ленинград курчоосунун бошотулганынын 82 жылдыгы белгиленди 

Image

2026-01-26 / 1046 / 12:01:34

ОшМУнун Филология жана маданияттар аралык коммуникация институтунун Орус тили борборунда Ленинград блокадасынын бошотулагынын 82 жылдыгына арналган иш-чара өттү.

Ага институттун окутуучулары, студенттери жана магистранттары катышты. Иш-чаранын жүрүшүндө аскердик курчоонун тарыхый фактылары, шаар тургундарынын эрдиги жана согуш учурундагы Ленинград жөнүндө маалымат берилди. Тематикалык презентациялар, күбөлөрдүн окуялары, видео материалдар көрсөтүлүп, талкуу уюштурулду.

Иш-чара студенттердин орус тилиндеги тарыхый тексттерди түшүнүү жана чечмелөө көндүмдөрүн, сөз байлыгын кеңейтүүгө багытталды.

Ленинградды курчоо – блокада Улуу Ата Мекендик согушта немис, фин аскерлери жана алардын союздаштары тарабынан 872 күнгө созулган. Ал убакта Кыргызстан Ленинграддан эвакуация болгон 16 миң адамды, анын ичинде 3 500 баланы кабыл алган. Ошондой эле Кыргыз ССРинен шаарга 103 вагон гуманитардык жардам – азык-түлүк жана кийим-кече жеткирилген. Миңдеген кыргызстандыктар Ленинградды бошотуу үчүн күрөшкөн.


 

Фото галерея

 

2026-03-13 / 20
Чет өлкөлүк студенттерге стартап жана бизнес баштоо боюнча тренинг өттү
2026-03-13 / 40
ОшМУ: мамлекеттик кызматкерлер тил билүү деңгээлин жогорулатуу курстарынан өтүштү
2026-03-13 / 169
Айыл чарба коллежинде экологиялык форум өттү
2026-03-13 / 149
Литванын Кыргызстандагы башкы консулу ОшМУда болду