Түркияда билим алып жаткан ОшМУнун студенттери үчүн түштөнүү уюштурулду

Башкы Жаңылыктар

Түркияда билим алып жаткан ОшМУнун студенттери үчүн түштөнүү уюштурулду

Image

2022-01-18 / 5192 / 12:01:59

Туркиянын Сивас шаарындагы Жумхуриет университетине күзгү семестрде билим алуу үчүн барган студенттер окууларын аяктап калышты.

Мобилдүүлүк программасы боюнча окууну жыйынтыктап жаткан студенттер үчүн аталган окуу жайдын эл аралык байланыштар боюнча координатору профессор, доктор Али Аксу коштошуу түштөнүү уюштуруп, студенттердин окуу учурундагы алган таасирлери тууралуу пикир алышты.

 Түштөнүү учурунда студенттер ОшМУнун атынан Жумхуриет университетинин эл аралык байланыштар бөлүмүнө жана жалпы профессордук-окутуучулук жамаатына ыраазычылык билдиришти.

2021-2022-окуу жылынын сентябрында аталган университетке ОшМУнун Эл аралык билим берүү программаларынын жогорку мектебинен, Медицина, Дүйнөлүк тилдер жана маданият, Кыргыз филологиясы жана журналистика, Математика жана информациялык технологиялар факультеттеринен 22 студент эки тараптуу кызматташуу келишимдеринин алкагында билим алууга жөнөп кетишкен.

ОшМУ  Жумхуриет университети менен Эрасмус + программасы аркылуу 2015-жылдан бери кызматташып келет. 2020-жылдын 30-январында ОшМУнун ректору Кудайберди Кожобековдун Туркияга болгон иш сапарында  Жумхуриет университетинин ректору Алим Йылдыз менен эки тараптуу кызматташуу келишимине кол койгон.

Фото галерея

 

2024-04-19 / 221
ОшМУ Хэнань университети менен келишимге кол койду
2024-04-19 / 232
ОшМУ Хэнань кытай медицинасы университети менен кызматташат
2024-04-19 / 599
ОшМУга 85: Башкы имараттын алдына ак кайың көчөттөрү отургузулду
2024-04-18 / 1124
“Билим” лицейинде ОшМУга кураторлукка бекитилген Ош шаарындагы мектептер үчүн семинар уюштурулду