ОшМУ Арменияда өкүлчүлүгүн ачты

Башкы Жаңылыктар

ОшМУ Арменияда өкүлчүлүгүн ачты

Image

2026-07-01 / 167 / 03:07:00

Ош мамлекеттик университети (ОшМУ) Армениянын  Ереван шаарындагы «Айбусак» университетинин базасында өкүлчүлүгүн ачты. Мындай чечимди окуу жайдын окумуштуулар кеңеши 29-июнда кабыл алды.

Жаңы өкүлчүлүк армян жарандарына ОшМУнун ординатурасына, кошумча кесиптик билим берүү программаларына тапшырууга жана окуусуна жардам берет. Ошондой эле студенттерге алмашуу, аралыктан окутууну уюштуруу, клиникалык базалар, медициналык уюмдар менен кызматташууга мүмкүнчүлүк түзүлөт.  

Өкүлчүлүктүн негизги максаты эл аралык кызматташтыкты өнүктүрүү, билим берүү мүмкүнчүлүктөрүн кеңейтүү жана академиялык байланыштарды чыңдоо болууда. 

Азыркы учурда «Айбусак» университетинин медицина факультетин бүтүргөн 20га чукул бүтүрүүчү ОшМУнун Дипломдон кийинки жана үзгүлтүксүз медициналык билим берүү борборунда ординатурада окуп жатат. Алар стоматология, хирургиялык стоматология, дерматовенерология, нур диагностикасы багыттарын тандашкан.  

Эки окуу жай 2025-жылы кызматташуу меморандумуна кол коюшкан. Анын алкагында 2026-жылдын январында ОшМУнун өкүлдөрү Арменияга барып, келишим боюнча окуган 20 ординатордун клиникалык базалардагы практикасын кабыл алышкан. 

Фото галерея

 

2026-07-01 / 192
КАБЫЛ АЛУУ: Айыл чарба коллежи кандай адистиктерди даярдайт?
2026-07-01 / 199
ОшМУнун студенттери эл аралык сынакта күмүш медал алды
2026-07-01 / 196
ОшМУну 55 жыл мурун бүтүргөн бүтүрүүчүлөр жолугушууга келди
2026-06-29 / 720
ОшМУда ЖРТда жогорку жыйынтык көрсөткөн бүтүрүүчүлөр  жана мугалимдер сыйланды