2025: МЕДКЛИНИКАДА 84 УНИКАЛДУУ ОПЕРАЦИЯ ЖАСАЛДЫ

Башкы Жаңылыктар

2025: МЕДКЛИНИКАДА 84 УНИКАЛДУУ ОПЕРАЦИЯ ЖАСАЛДЫ

Image

2025-12-26 / 1194 / 03:12:17

Бөйрөк алмаштыруу, жүрөккө стент коюу, тубаса кемтикти жабуу. Булардын баары ушул жылы университетибиздин медклиникасында жасалган уникалдуу операция болуп калды. 

2025-жылы клиникада трансплантациядагы чоң жаңылык болду. Тажрыйбалуу дарыгерлерибиз орусиялык кесиптештери менен бирге эки ирет ийгиликтүү бөйрөк алмаштырды. Боор алмаштырууга да уруксат алынып, жакында ишке ашканы турат. 

    

Быйыл биринчи жолу жүрөккө кардиостимулятор орнотулду. Бүгүнкү күндө 82 бейтап эндоваскулярдык метод менен операция болду. 6 000ге бейтап амбулатордук жардам алган. 6 685 кызматкер жана студент санитардык китепчелерин толтурган. 1 800 студент профилактикалык кароодон өткөн. Терапия бөлүмүндө 2 000ден ашуун бейтап дарыланса, реанимацияда 105 оор абалдагы бейтапка жардам берилди. Хирургияда 110 операция, анын ичинде 20 жүрөк-тамыр тигүү операциясы жасалды. 

    

“Ден соолук кербени” долбоору менен ай сайын клиника дарыгерлери 1000ге жакын айыл тургундарын акысыз медициналык кароодон өткөрүп турду. 

Президенттин жарлыгы менен ОшМУда жаңы 7 кабаттуу клиника курулуп бүтүп калды. Курулуш иштери толугу менен 2026-жылы аяктайт. Кампустун аянты эки гектарды түзөт. Мында тогуз багыт боюнча бөлүмдөр курулууда. 6 илимий-изилдөө жана реабилитациялык борборлор да бар. Клиника ишке кирсе четке чыгып жаткан дарыгерлердин агымы токтойт. 

    

ОшМУ – түштүк аймактагы эксперименталдык, илимий жана клиникалык медицинанын жаңы борборуна айланууда.

 

2026-03-13 / 57
Чет өлкөлүк студенттерге стартап жана бизнес баштоо боюнча тренинг өттү
2026-03-13 / 88
ОшМУ: мамлекеттик кызматкерлер тил билүү деңгээлин жогорулатуу курстарынан өтүштү
2026-03-13 / 196
Айыл чарба коллежинде экологиялык форум өттү
2026-03-13 / 168
Литванын Кыргызстандагы башкы консулу ОшМУда болду