ББПУА агенттиги тарабынан программалык аккредитация өткөрүлдү

2025-05-14 / 3004 / 05:05:20

ОшМУдагы теология, электр менен камсыздоо, автомобиль унааларын техникалык тейлөө жана оңдоо, физикалык терапия орто кесиптик билим берүү жана педагогика (бакалавриат, магистратура), социалдык-экономикалык билим берүү (бакалавриат, магистратура), математика жана компьютердик илимдер (бакалавриат), башталгыч билим берүү, англис тили (бакалавриат), дене тарбия жана спорт жогорку кесиптик билим берүү багыттары боюнча программалык аккредитациядан өттү.

Иш-чара 29-30-апрель күндөрү өтүп, аны Билим берүү программаларын жана уюмдарын аккредитациялоо агенттиги жүргүздү.

Аккредитациянын максаты — ишке ашырылып жаткан билим берүү программаларынын жогорку сапатын, алардын заманбап стандарттарга жана иш рыногунун талаптарына ылайыктуулугун тастыктоо.

Аталган процедуранын жүрүшүндө агенттиктин эксперттери билим берүү программаларынын окуу пландарын, материалдык-техникалык базасын, илимий-изилдөө иштерин жана кызыктар тараптар менен өз ара аракеттенүүсүн баалашты.