ОшМУнун өкүлү Сербияда жашыл туризм тууралуу баяндама жасады

Башкы Жаңылыктар

ОшМУнун өкүлү Сербияда жашыл туризм тууралуу баяндама жасады

Image

2026-04-29 / 60 / 11:04:41

Табият таануу, дене тарбия, туризм жана агрардык технологиялар институтунун директору Абдурашит Низамиев  Сербиянын борбору Белград шаарындагы эл аралык конференцияда Кыргызстандагы туруктуу туризм тууралуу баяндама жасады. 

XIV эл аралык илимий-практикалык конференция 21–25-апрель күндөрү Белград университети базасында уюштурулду. Ага дүйнөнүн ар кайсы өлкөлөрүнөн окумуштуулар жана адистер катышты. Иш-чаранын темасы «Аймактарды өнүктүрүү системасындагы туристтик-рекреациялык комплекс» деп аталды. 

Пленардык жыйында Абдурашит Низамиев «Кыргызстандагы жашыл экономиканын бир бөлүгү катары туруктуу туризм» деген темада баяндама жасады. Ал өлкөдөгү туризмди туруктуу өнүктүрүүнүн актуалдуу маселелерин көтөрдү. Туристтик иш-аракеттерде экологиялык багытталган ыкмаларды ишке ашыруу механизмдерин өркүндөтүү изилдөөнүн практикалык мааниси катары көрсөтүлдү. 

“Конференциянын жүрүшүндө сербиялык географ-окумуштуулар менен илимий байланыштарды кеңейтүү, биргелешкен изилдөөлөрдү жүргүзүү жана тажрыйба алмашуу боюнча сүйлөшүүлөр жүргүзүлдү. Мунун негизинде келечекте эки тараптуу кызматташтыкты мындан ары да күчөтүү пландалууда”, –деди Низамиев.

 

Фото галерея

 

2026-04-29 / 54
Анара Тажибаева Испанияда студенттерди окутуп, окутуучуларга тажрыйба бөлүштү
2026-04-29 / 28
Окутуучулар Орусияда санарип билим тууралуу айтып беришти
2026-04-29 / 107
Медициналык коллежде «Үңгу жол» аттуу тарбиялык иш-чара өттү
2026-04-29 / 51
ОшМУ баскетболдон республикада үчүнчү орунду алды