Конья Селчук борборунун өкүлдөрү Теология факультетинде болушту

Башкы Жаңылыктар

Конья Селчук борборунун өкүлдөрү Теология факультетинде болушту

Image

2026-08-04 / 184 / 01:08:38

Түркиянын Дин иштери башкармалыгынын Диянет академиясына караштуу Конья Селчук жогорку диний адистештирүү борборунун окутуучулары 4-августта Ош мамлекеттик университетинин теология факультетине келип, академиялык кызматташтыкты өнүктүрүү маселелерин талкуулашты. 

Жолугушууга факультеттин жетекчилиги, окутуучулар, факультеттин жана Конья Селчук жогорку диний адистештирүү борборунун бүтүрүүчүлөрү, тиешелүү адистер катышты. 

Тараптар студенттер үчүн жаңы билим алуу мүмкүнчүлүктөрүн кеңейтүү, академиялык кызматташтыкты күчөтүү, теология факультетинин бүтүрүүчүлөрүн Коньядагы жогорку диний адистештирүү борборунда окуусун улантууга кабыл алуу маселелерин талкуулашты. 

Аталган борбордо ислам илимдеринин негизги багыттары, ислам укугу (фикх), тафсир, хадис, акыйда, тереңдетилген араб тили боюнча атайын окуу программасы ишке ашырылат. 

Жолугушуунун соңунда эки тарап кызматташтыкты мындан ары бекемдөөгө, академиялык байланыштарды кеңейтүүгө жана студенттер менен жаш адистер үчүн жаңы мүмкүнчүлүктөрдү түзүүгө кызыкдар экенин белгилешти. 

Буга чейин теология факультетинин 20 бүтүрүүчүсү Конья Селчук борборунда квалификациясын жогорулатуу курсунан өтүп, кесиптик билимдерин өркүндөткөн. 

 

 

Фото галерея

 

2026-08-04 / 253
Окутуучулар жана студенттер эл аралык жайкы лагерге катышууда
2026-08-04 / 228
ОшМУнун «Азык-түлүк коопсуздугу» долбоорунун жетекчиси Түркияда тажрыйба алмашууда
2026-08-03 / 451
Абитуриенттерди кабыл алуунун IV туру башталды
2026-08-03 / 446
ОшМУнун өкүлү социалдык иштер боюнча эл аралык форумда баяндама жасады