Окутуучулар «Манас» эпосу аркылуу окутуу усулдарын эл аралык конференцияда сунуштады

Башкы Жаңылыктар

Окутуучулар «Манас» эпосу аркылуу окутуу усулдарын эл аралык конференцияда сунуштады

Image

2026-04-10 / 130 / 04:04:06

Ош мамлекеттик университетинин окутуучулары «Манас» эпосу аркылуу каада-салттарды окутуунун интерактивдүү усулдарын эл аралык конференцияда сунушташты.

Иш-чара академиялык мобилдүүлүк программасынын алкагында 2–4-апрель күндөрү Ташкент шаарында өттү. Конференция Өзбекстандын Илимдер академиясынын өзбек тили, адабияты жана фольклор институту тарабынан белгилүү окумуштуу, академик Тора Мирзаевдин 90 жылдыгына карата уюштурулган.

«Түрк элдеринин фольклорун салыштырып изилдөө: локалдык өзгөчөлүктөрү жана илимий-теориялык мамилелери» аттуу жыйынга ар кайсы өлкөлөрдөн окумуштуулар, изилдөөчүлөр жана педагогдор катышып, маданий мурас, билим берүү тармагындагы актуалдуу маселелерди талкуулашты.

Конференцияда ОшМУнун Финансы-юридикалык коллежинин окутуучулары Гүлзат Төлөнова, Гулмира Иманалиева жана STEM инновациялык коллежинин окутуучусу Ташхон Батырова баяндама жасады. Алар «Манас» эпосу аркылуу улуттук каада-салттарды заманбап педагогикалык технологиялар менен окутуунун натыйжалуу жолдорун сунушташты. Ошондой эле интерактивдүү ыкмалар окуучулардын сабакка болгон кызыгуусун арттырары белгиленди. Иш-чаранын жүрүшүндө катышуучулар эл аралык деңгээлде тажрыйба алмашып, жаңы илимий-педагогикалык идеяларды ортого салышты.

 

Фото галерея

 

2026-04-10 / 121
ОшМУда Космонавтика күнүнө арналган иш-чара өттү
2026-04-10 / 217
“Алайку Органикске” бизнес тур: студенттер өндүрүш менен жакындан таанышты
2026-04-10 / 229
ОшМУнун студенти стартап чемпионатта «эң мыкты долбоор» наамын алды
2026-04-10 / 343
ОшМУнун окутуучулары жаңы “Кыргыз тили” окуу китептерин жазууга тандалды