Абитуриент 2025: ЖОЖдорго кышкы кабыл алуу башталат 

Башкы Жаңылыктар

Абитуриент 2025: ЖОЖдорго кышкы кабыл алуу башталат 

Image

2025-12-04 / 484 / 11:12:17

Илим, билим берүү жана инновациялар министрлиги 2025-2026-окуу жылына карата жогорку окуу жайларга (ЖОЖ) кышкы кабыл алууну жарыялады.

Кабыл алуу турлары:

  • Биринчи тур – 2025-жылдын 23-29-декабры;
  • Экинчи тур – 2026-жылдын 12-17-январы;
  • Үчүнчү тур – 19-24-январь;
  • Төртүнчү тур – 26-31-январь күндөрү болот. 

Кышкы кабыл алуу контракттык гана орундарга жүргүзүлөт. Жалпы республикалык тестирлөө (ЖРТ) жыйынтыгы боюнча кышкы кабыл алуу үчүн ЖОЖдордун жана багыттардын тизмеси https://2020.edu.gov.kg/ сайтына жайгаштырылды. Ал эми чет өлкөлүк жарандарды кабыл алуу https://edugate.edu.gov.kg/ сайты аркылуу жүргүзүлөт.  

2025-жылы өткөрүлгөн ЖРТнын жыйынтыктары кышкы кабыл алууга катышуу үчүн жарактуу. Кышкы кабыл алууда эрежелер жана босого балл жайкы кабыл алуу менен бирдей болот. Абитуриенттер өзүнүн жеке кабинетин каттап, конкурстук тандоого катышуу боюнча нускаманы https://2020.edu.gov.kg/ сайтынан көрө алышат.

Буга чейин жогорку кесиптик билим алууга мүмкүнчүлүктөрдү кеңейтүү максатында кыргызстандыктарды жана чет өлкөлүк жарандарды окуу жылынын ичинде эки жолу кабыл алуу механизми иштелип чыккан. 

 

 

 

2025-12-05 / 229
Студенттер карыялардан кабар алып, жардам көрсөтүштү
2025-12-05 / 170
ОшМУнун окутуучулары жасалма интеллектин жардамында эпосторду окутуу боюнча баяндама жасашты
2025-12-05 / 240
ОшМУнун окумуштуулары Ташкенттеги эл аралык жыйында изилдөөлөрү менен бөлүштү
2025-12-05 / 252
«Жүрөктүн жылуулугу – балдарга» акциясы: окутуучулар жана студенттер балдар үйүнө жардам беришти