Студенттерге  экологиялык журналистикага  багытталган конок лекция окулду

Башкы Жаңылыктар

Студенттерге  экологиялык журналистикага  багытталган конок лекция окулду

Image

2026-03-02 / 19 / 01:03:00

Ош мамлекеттик университетинин журналистика адистигинин студенттери үчүн тоо экосистемаларын жана жашыл инновацияларды коргоо боюнча конок лекция уюштурулду. Лекцияны ОшМУдагы Тоо экосистемаларын жана жашыл инновацияларды коргоо консалтинг борборунун жетекчиси Абдижапар Аккулов өттү.

Жолугушуунун жүрүшүндө айлана-чөйрөнү коргоо, экологиялык көйгөйлөрдү медиада туура жана жоопкерчиликтүү чагылдыруу маселелери талкууланды. Ошондой эле дүйнө жүзүндө актуалдуу болгон Туруктуу өнүгүүнүн максаттары тууралуу кеңири маалымат берилди. Айрыкча таза суу, климаттын өзгөрүшү, туруктуу шаарларды өнүктүрүү жана жаратылышты коргоо сыяктуу темалар журналисттердин көңүл борборунда болушу зарыл экени белгиленди.

Конок лекция учурунда студенттер экологиялык көйгөйлөрдү аныктоо, аларды фактыларга таянып коомчулукка жеткирүү жана жаратылышты коргоо идеясын медиа аркылуу жайылтуунун маанилүүлүгү тууралуу пикир алышты.

Иш-чара жаш журналисттердин экологиялык маселелерге болгон кызыгуусун арттырып, коомдогу экологиялык жоопкерчиликти күчөтүүдө медианын ролу тууралуу түшүнүгүн кеңейтти.

Фото галерея

 

2026-03-14 / 137
«Жазгы үч айлык» алкагында ишембилик өткөрүлдү
2026-03-14 / 271
Кызматкерлер үчүн орозо дасторкону жайылды
2026-03-13 / 215
Чет өлкөлүк студенттерге стартап жана бизнес баштоо боюнча тренинг өттү
2026-03-13 / 270
ОшМУ: мамлекеттик кызматкерлер тил билүү деңгээлин жогорулатуу курстарынан өтүштү