Ош шаарындагы коллеждер акыл таймашта беттешти

Башкы Жаңылыктар

Ош шаарындагы коллеждер акыл таймашта беттешти

Image

2026-04-09 / 106 / 03:04:07

1-курс студенттери арасында “Брейн-ринг” форматындагы интеллектуалдык оюн ОшМУнун Эл аралык билим берүү программалары коллежинде өттү. 

Мелдешке төрт команда катышты. Анда студенттер тарых, астрономия, география, кыргыз тили, математика жана физика сабактары боюнча суроолорго жооп беришти. Логикалык тапшырмалар аркылуу критикалык ой жүгүртүү жөндөмдөрүн көрсөтүштү.

Жыйынтыгында Ош мамлекеттик педагогикалык университетинин коллежинин командасы жеңүүчү деп табылды. Байгелүү орундарды алган командалар дипломдор жана баалуу белектер менен сыйланышты.

Иш-чараны ОшМУнун коомдук илимдер жана аскерге чейинки даярдоо билим берүү программасынын предметтик циклдик комиссиясынын окутуучулары Айгуль Ормонова, Максатай Садыкова жана Айжамал Абдырахманова уюштурду. Алардын айтымында, мындай интеллектуалдык таймаштар студенттердин билим деңгээлин жогорулатып, активдүү, таланттуу жаштарды аныктоого өбөлгө түзөт.

 

Фото галерея

 

2026-04-09 / 113
Көзөмөлчүлүк кеңеш бир катар стратегиялык маселелерди карады
2026-04-09 / 147
ОшМУда медкызматкерлердин билими оюн форматында бааланат
2026-04-09 / 158
ОшМУнун студенттери эл аралык олимпиадага жолдомо алышты
2026-04-09 / 154
ОшМУда жаңы окуу китептеринин мазмуну талкууланды