Main
News
Тоо экосистемаларын сактоодо заманбап технологияларды колдонуу талкууланды
ОшМУнун Спутниктик зондирлөө борборунда тоо экосистемаларын коргоо боюнча илимий талкуу өттү.
Иш-чарага Пакистандын Бахрия университетинин жер жана айлана-чөйрө илимдери кафедрасынын жаш изилдөөчүсү Жалал Уд Дин, ОшМУнун эл аралык байланыштар боюнча проректору Курстантбек Аттокуров, доценттер Элмурат Обдунов, Динара Абжапарова, Ош технологиялык университетинин жана «Ага Хан» фондунун Ош шаарындагы өкүлчүлүгүнүн адистери катышты.
Катышуучулар илимий изилдөөлөрдө спутниктик маалыматтарды, заманбап компьютердик программаларды, жаңы технологияларды колдонуунун маанилүүлүгү тууралуу пикир алышты. Ошондой эле климаттын өзгөрүшү күчөп жаткан шартта спутниктик технологияларды жана геомаалыматтык системаларды илимий иштерге кеңири колдонуу зарылдыгын белгилешти.
Мындай технологиялар жер көчкү болгон аймактардын абалын баалоого, калыбына келтирүү иштеринин жыйынтыгын көзөмөлдөөгө, климаттын тоо экосистемаларына тийгизген таасирин изилдөөгө жардам берет. Ошондой эле бул багытта жергиликтүү жана эл аралык адистердин биргелешкен изилдөөлөрүн күчөтүү зарылдыгы айтылды.
Илимий талкуу Кыргызстандын Илим, жогорку билим берүү жана инновациялар министрлигинин колдоосу менен уюштурулду.
Аталган долбоорду ОшМУнун Тоо экосистемаларын коргоо жана жашыл инновациялар консалтинг борбору ишке ашырууда. Долбоордун негизги максаты – жер көчкүдөн жабыркаган топуракты калыбына келтирүү, токой отургузуу жана климаттын өзгөрүшү шартында биорекультивация иштерин жүргүзүү.
Буга чейин Ош облусунун Өзгөн районундагы 2017-жылы жер көчкү болгон аймакта жайгашкан «Курбу-Таш» илимий-өндүрүштүк участогунда изилдөө иштери жүргүзүлгөн. Анда дээрлик 100 гектар жердеги биорекультивация иштеринин жүрүшүн көзөмөлдөө үчүн GPS технологиясынын жардамы менен аймактын координаттары такталган. Алынган маалыматтар атайын компьютердик программаларга киргизилип, талдоодон өткөрүлгөн.
Photogallery
Main Campus of OshSU, 331 Alymbek datka Street, Osh City, Kyrgyzstan. General Division: +996 3222 7-07-12, fax: +996 3222 7-09-15, edu@oshsu.kg
OshSU Admissions Committee: +996 3222 7-08-18, priem@oshsu.kgColleges
- International Education Programs
- Medical College
- Finance and Law
- Uzgen International Medicine
- STEM Innovation
- Industrial and Pedagogical
- College of Agriculture
- Construction College
Schools
- "Arashan" Humanitarian School
- Institute of Oriental Studies
- Institute of Mathematics, Physics, Engineering and Information Technologies
- Institute of Economy, Business and Management
- Institute of Philology and Intercultural Communication
- Institute of History and Law
- Institute of Pedagogy, Art and Journalism
- Institute of Natural Sciences, Physical Education, Tourism and Agrarian Technologies
- Institute of Nanotechnology and Artificial Intelligence
Lyceums and gymnasiums
Offices
- Administrative- household supporting office
- Business Park at Osh State University
- International Relations Department
- Department of Academic Affairs and Strategic Planning for Educational Policy Development
Centers
- Cultural and Aesthetic Center named after R. Adikadyrov
- Foundation of R.Abdykadyrov
- Public Relations Center
- Internship and Career Center
- OshSU Center for Qualification Improvement
- Next Generation Hub Center
- Congress Resort OshSu Center
- Natural Resources Center
- Mountain Ecosystem Protection and Green Innovations Consulting Center
- Center for Scientific Research and Innovation
Information© OshSU | Development © 2020 OshSU - IT Academy