Haber

ФерМУнун студенттерине ОшМУнун сертификаттары тапшырылды

1-декабрдан 31-декабрга чейин Фергана мамлекеттик университетинин 100гө жакын студенттери ОшМУда онлайн режимде академиялык мобилдүүлүк боюнча билим алышты. 23-январда онлайн байланыш аркылуу сертификаттарды аземи болуп өттү. Ага ОшМУдан ректор К.Г. Кожобеков, эл аралык байланыштар департаментинин директору А.О. Абдувалиев, академиялык мобилдүүлүк бөлүмүнүн башчысы С. Амиралиев, ал эми ФерМУ тараптан илимий иштер боюнча проректор А.А. Уринов, эл аралык байланыштар бөлүмүнүн башчысы Ж. Нишанов, айрым окутуучулар жана билим алып кеткен студенттер катышышты.

ОшМУнун ректору эки окуу жайдын байланыштары жылдан жылга тездик менен өнүгүп, кызматташтыктар бекемделип жаткандыгын белгиледи. Пандемия шартына карабай, студенттердин онлайн мобилдүүлүгү активдүү жүргүзүлүп, жаткандыгына токтолду. Онлайн режимде академиялык мобилдүүлүктөн өтүшкөн студенттерге сертификаттар тапшырылды. Студенттер ОшМУнун дүйнөлүк тилдер жана маданият, орус филологиясы, табият таануу жана география, математика жана информациялык технологиялар, физика-техника, педагогика, психология жана дене тарбия факультеттеринде мобилдүүктөн өтүшкөн.

Жолугушуунун жүрүшүндө эки окуу жай келечекте академиялык мобилдүүлүктүн онлайн формасын мындан ары дагы өнүктүрүү, илимдин ар кайсы тармактары боюнча биргелешкен диссертациялык кеңештерди ачуу, ошондой эле биргелешкен билим берүү жана кош дипломдуулук программаларын түзүү багыттары боюнча сөз кылышты.

530 00:32 24-01-2021

                 

Haber

|< 1 2 3 4 5 >|