ОшМУнун окутуучусу Кытай айыл чарба университетинде иш сапарда болду

Башкы Жаңылыктар

ОшМУнун окутуучусу Кытай айыл чарба университетинде иш сапарда болду

Image

2026-02-06 / 30 / 03:02:37

Ош мамлекеттик университети Финансы-юридикалык колледжинин Табият таануу жана тилдер бөлүмүнүн окутуучусу Анаргүл Бапышова 5–9-февраль күндөрү Пекин шаарында иш сапарда болуп келди.

Сапардын алкагында Кытай айыл чарба университетинин Инженердик колледждин окуу-усулдук ишмердүүлүгү, илимий-практикалык иштеринин өзгөчөлүктөрү жана заманбап лабораторияларынын мүмкүнчүлүктөрү менен таанышты.

Инженердик колледждин директору Сонг Женгхе, эл аралык байланыштар бөлүмүнүн жетекчиси Жоу Южан жана профессор Мао Ху менен жолугушуп, окутуучулар жана студенттер үчүн академиялык мобилдүүлүк программаларын ишке ашыруу, биргелешкен эл аралык илимий конференцияларды уюштуруу, билим берүү жана илимий изилдөө багытындагы кызматташууну тереңдетүү маселелер боюнча пикир алышты.

Анаргүл Бапышова Инженердик колледждин окутуучуларына жана студенттерине «Кыргыз элинин улуттук суусундуктары жана алардын тарыхы» аттуу темада баяндама жасады. Анда кыргыз элинин бай маданияты, салттуу суусундуктарынын тарыхы жана алардын өзгөчөлүктөрү тууралуу кеңири маалымат берилип, катышуучулардын кызыгуусун жаратты.

Фото галерея

 

2026-04-02 / 177
Орусиялык окумуштуулар ОшМУда тажрыйба бөлүштү
2026-04-02 / 150
Буниса Абдымомунова биотехнология багыты боюнча квалификациясын жогорулатты
2026-04-02 / 173
Улуттук форумда ОшМУнун илимпоздору сөз сүйлөдү
2026-04-02 / 224
Студенттер шаардагы боорукердик үйлөрүнө акчалай жардам көрсөтүшөт