12:56 06-12    Ош МУнун Эл аралык медицина факультетинин 1-курстун студенттерин “Кабыл алуу” аземи өткөрүлдү       12:48 06-12    Ош МУнун эл аралык медицина факультетинин Жаштар комитетинин төрагасынын шайлоосу өткөрүлдү       11:48 06-12   "Бизнес жана менеджмент" факультетинде окутуу программасынын сапаты жана бүтүрүүчүлөрдүн компетенциялары талкууланат       10:51 06-12   5-декабрь, 2016-жыл. Тарых факультетинде тегерек стол болуп өттү.       10:48 06-12   Эл аралык мамилелер факультетинин жамааты аккредитацияга даярдык көрүү боюнча семинар-тренингге катышты       10:34 06-12   Магистранттардын кабыл алуу аземи жана “Илим фестивалы” өткөрүлдү       18:16 05-12   КР дагы 2016-жылдын 11-декабрындагы референдум-конституциялык реформанын негиздери       18:09 05-12   Конституциялык реформа       17:46 05-12   Кыргыз Республикасындагы конституциялык реформа       16:59 05-12   ФЮКда "Студенттикке кабыл алуу аземи" болуп өттү     


Сиз бул жердесиз: Университет / Факультеттер / Теология факультети

Теология факультети

Маалымат тактайчасы
Курамы
Факультеттин эл аралык ишмердүүлүгү
Видео
Магистратура
2015-2016-окуу жылынын аткарган иш чаралары
Жаштар комитети
Фото галлерея
2016 - 2017 - окуу жылынын иш планы
Маалымат пакети
Бүтүрүүчүлөр Ассоциациясы
Абитуриенттер үчүн
Китепкана
Аткарылган иштердин эсеп-кысабы

      ОшМУнун теология факультети 1993-жылы ОшМУ жана Туркиянын «Дианет» фондунун ортосундагы келишимдин (22.09.1993-ж.) негизинде ачылган. Теология факультети Борбордук Азия мамлекеттеринде эң алгачкы ачылган факультет болуп эсептелет.
      Факультеттин миссиясы – учурдун талабына ылайык республикабыздын диний агартуу жаатында адистерди жана жогорку билимдүү кадрларды даярдоо, окутуунун жаңы технологияларын пайдаланып, билимдин сапатын жакшыртып, диндин жалпы адамзаттык баалуулуктарын эл арасына тура жайылтууга, адамдардын рухий дүйнөсүн байытууга салым кошотурган татыктуу адистерди даярдоо.

      Анкара университети менен өз ара кызматташуу жөнүндө түзүлгөн келишимдин негизинде «дин таануу жана гуманитардык предметтер» кафедрасында факультеттин өзгөчөлүгүнө ылайыкталган диний предметтер жана Кыргызстандын мамлекеттик стандартында көрсөтүлгөн предметтер окутулат. Факультеттин окутуучу-профессордук курамынТуркиянын жогорку окуу жайларынан кызматташтык келишимдин негизинде келген жана ОшМУнун тажрыйбалуу окумуштуу-адистери түзөт. Факультетте дин таануу жана гуманитардык предметтер кафедрасы ишалып барат. Учурда кафедрада 14 окутуучу эмгектенет. Кафедранын окутуучу-профессордук курамы 4 доцент, 5 ага окутуучу жана 5 окутуучудан турат. Алардын ичинен: 9 окутуучу– илимдин доктору(PhD) жана 2 окутуучу - илимдин кандидаты.

       Факультет 2012-2013-окуу жылынан тартып эки баскычтуу билим берүүнүн негизинде «теология» адистиги боюнча кадрларды даярдайт. Окуу мөөнөтү - 4 жыл. Факультетте диндердин тарыхы, анын маңыздуу өзгөчөлүгү боюнча маалымат берүүчү предметтер жана Кыргыз Республикасынын мамлекеттик стандартында көрсөтүлгөн бардык предметтер окутулат. Тагыраак айтканда, студенттер диндер тарыхы, хадис таануу, ислам теологиясы (куран таануу), ислам укугу, дин философиясы, дин психологиясы, араб тили, дин педагогикасы, ислам агымдар тарыхы сыяктуу профессионалдык багыттагы предметтерди окушат. Теология факультетинин бүтүрүүчүлөрү «жогорку «бакалавр»» билим деңгээлине жана квалификациясына ээ болушат.

Теология факультетинин бүтүрүүчүлөрү илим-изилдөө, окуу-тарбиялык, эксперттик-консультанттык багыттарда иштей алышат

• Теологдор орто мектептерде адеп, дин таануу сыяктуу предметтерден сабак бере алышат.
• Орто жана жогорку окуу жайларда дин таануу, диндер тарыхы, дин психология сысыяктуу предметтерден сабак бере алышат.
• Мамлекеттик коопсуздук мекемелеринде экстремисттик секталардын ишмердүүлүгүнүн алдын алуу боюнча аналитикалык иштерди алып баруучу адис катары иштей алышат.
• Коомдук уюмдарда жана массалык-маалымат каражаттарында динге байланышкан маселелерде эксперттик баа жана консультация берүүчү болуп иштей алышат.
• Илим-изилдөө мекемелеринде, китеп басмаканаларында, массалык маалымат каражаттарында диний тексттерге редактор, котормочу болуп иштей алышат.
• Динге байланыштуу мамлекеттик жана коомдук структураларда (дин комиссиясы, муфтият, казыят ж.б.) иштей алышат.
• Окууну ийгиликтүү аяктаган бүтүрүүчүлөр магистратура жана докторантурада билимдерин өркүндөтүшүп, диссертацияларын жактоо менен теология адистиги боюнча илимий даражага ээ болушат.
      Теология факультетинин студенттери Анкара университетинде жана ОшМУда билим алышат. Студенттердин окуусуна (контракттык төлөм), жатаканасына, тамак-ашына кеткен чыгымдарТуркия мамлекетинин Дианет фонду тарабынан каржыланат.
      Факультеттин студенттери коомдук жана маданий-массалык иштерге активдүү катышат. Жаштар комитети студенттер арасында маданий массалык ишалып баруу менен факультеттин социалдык турмушун жандандырып турат. Студенттер жалпы жогорку окуу жайлар аралык, университеттеги факультеттер аралык КВН, диспут, конкурс, билим таймаштарында (брейн-ринг) жана студенттик конференцияларда активдүүлүгүн көрсөтүп келишет.
      Факультеттин студенттери 100 орундуу бардык шарты бар жатакана менен камсыз болушкан. Жатаканада ашкана, эс алуу жана тейлөө бөлмөлөрү, телевизор көрүүчү зал, сабактарга даярдануу үчүн атайын залдар жайгашкан. Студенттер үчүн 3 маал акысыз ысык тамак уюштурулган. Студенттердин бош убактыларын өткөрүү жана денсоолуктарын чыңдоо үчүн спорт аянтчасы жайланышкан. о.э. жатакананын жанында 350 орундуу Туркиянын архитектуралык усулунда курулган мечит жайгашкан.
      Факультеттеги аудиториялар, лекциялык залдар, китепкана, окуу залы жана окутуучулардын атайын кабинеттери учурдун талабына жооп берүүчү эмеректер менен жабдылган. Акыркы моделдеги видео аппаратура жана компьютер менен жабдылган 1 аудитория жана 1 компьютердик класс бар.
      Окуу жыйынын уюштурууда 32 даана персоналдык компьютер, 2 видео проектор, 2 ксерокс, 3 принтер жана 2 аудио-видео магнитофондор колдонулат. Окутуунун жаңы технологияларын ишке ашырууда кесиптик багыттагы 10 миң томдук китептин деңгээлиндеги CDлер колдонулууда. Бүгүнкү күндө теология факультетинде 29 компьютер жогорку сапатта интернет түйүнүнө уланган.
      Студенттер үчүн компьютердик класста 16 компьютер бир түйүнгө туташтырылып, интернетке чыгуу мүмкүнчүлүгүнө ээ. Компьютердик класста студенттер сабактардан тышкары өз алдынча иштердин, рефераттардын, курстук жана дипломдук иштердин үстүнөн иштешет.
      Жыл сайын факультетке 60тан студент кабыл алынат, учурда факультет 400дөн ашуун бүтүрүүчүлөрүн чыгарды.

      

               



Факультеттер



© 2014 ОШ МАМЛЕКЕТТИК УНИВЕРСИТЕТИ © Программалык жабдуу ОшМУ "Медиа БОРБОР"
Кыргызстан, 723500, г. Ош, ул. Ленина, 331, ОшГУ Главный корпус
Общий отдел: +996 3222 2-22-73, факс +996 3222 2-40-66, oshsu.oms@gmail.com
Приемная комиссия: +996 3222 2-45-25, oshsu.oms@gmail.com