Жаңылыктар Архив

Педагогика жана дене тарбия факультети
1.30-март күнү Кыргыз Республикасынын «TAEKWON-DO» ассоциациясынын президенти Хегай Эдуард Владимирович менен педагогика жана дене тарбия факультетинин студенттеринин ортосунда тренерликке даярдоо, окутуу боюнча тегерек стол уюштурулду. 2.2-апрель күнү Андижан мамлекеттик университетинен келген педагок илимдерин профессору тарабынан факультеттин бүтүрүүчү курстарына жана магистрлерине конок лекция окулду. 3.3-апрель күнү факультеттин деканы Б.Муратбаев жана ДТСТМ кафедрасынын башчысы Ы.Райимбердиев Кызыл-Кыя педагогикалык институтунун колледж бөлүмүнүн жана Кызыл-Кыя колледжини бакалавр бүтүрүүчүлөрүнө конок лекцияларын өтүү менен профориентациялык иштерди жүргүзүп келишти.Андан сырткары эки окуу жай ортосунда келишимдер түзүлдү. 4. 5-апрель күнү “Дене тарбиячылар” күнүнө карата факультеттин профессордук-окутуучулук курамы жана жаштар комитетинин ортосунда кичи футбол боюнча мелдеш өткөрүлдү. 5. 6-апрель күнү факультеттин жаштар комитети тарабынан “Дене тарбиячылар” күнүнө карата чакан концерттик программа уюштурулуп, окутуучуларга жана студенттерге массалык көнүгүүлөр жасатылды.

Педагогика жана дене тарбия факультетинин аспиранттарына, магистрлерине жана бүтүрүүчү курсунун студенттерине Кыргыз-Түрк “Манас” университетинин Педагогика кафедрасынын башчысы, п.и.д., профессор А.Алимбеков жана Кыргыз билим берүү академиясынын илимий кызматкери, психология илимдеринин кандидаты, доцент М.Мырзаев “конок лекция” өтүп беришти.

Урматтуу мекендештер!

Учурда мамлекетибизде, айрыкча, билим берүү жаатында прогресивдүү өзгөрүүлөрдүн болуп жаткандыгы маалым. Кыргызстан эки баскычтуу билим берүүгө өткөндөн кийин келечектеги кесип ээлерине санына эмес сапатына терең маани берүү бүгүнкү күндүн талабы деп эсептейм. Биздин педагогика жана дене тарбия факультети коомубузга чыныгы профессионал атайын орто кесиптик жана жогорку билимдүү башталгыч класстардын, дене тарбия мугалимдерин жана мектепке чейинки мекемелердин тарбиячыларын даярдоону максат кылып койгон.
Педагогика жана дене тарбия факультети Ош мамлекеттик педагогикалык институтунда 1959-жылы ачылып, ошол мезгилден бүгүнкү күнгө кыргызстандын бардык региондоруна 20 миңден ашуун жогорку билимдуу адистерди даярдап келди. Факультеттин эл аралык байланышы абдан кеңири.
Студенттердин татыктуу тарбия, терең билим алуусу үчүн факультетте бүгүнкү күндө эмгектенип жаткан профессордук-окутуучулук курамдын сандык жана сапаттык көрсөткүчү, андагы түзүлгөн шарттар толугу менен бүгүнкү күндүн талабына жооп берет деп ишенимдүү айта алам. Кичинекей курактагы балдарды чын дилден сүйгөн, келечекте спортко белгилүү бир натыйжаларды жаратам деген мамлекетибиздин бүтүрүүчүлөрү үчүн биздин факультеттин эшиги дайыма ачык.

Сиздерди терең урматтап, педагогика жана дене тарбия факультетинин деканы, КРнын эл агартуунун мыктысы, п.и.к., доцент Муратбаев Б.Б.