Популяризация науки в обществе

Илимди коомчулукка жарыялоо жана популяризациялоо

2016-жылы ОшМУнун илимпоздору илимди коомчулукка жарыялоо, популяризациялоо боюнча массалык-маалымат каражаттарына көптөгөн материалдарды чагылдырышты.

Маселен, ЭлТР, ОшПирим менен ОшТВ телеканалдары аркылуу энергетика кафедрасынын илимий-изилдөө “Жаңыланып туруучу энергия булактары” багыты боюнча жетишкендиктер бир нече жолу атайын чагылдырылып көрсөтүлдү. 2016-жылы 20-августта Москва шаарында ОшМУда үзүрлүү эмгектенип, өмүрүн илимдин өнүгүшүнө арнаган физика-математика илимдеринин доктору, “Кыргыз Республикасынын илимине эмгек сиңирген ишмер”, “Россия табият таануу академиясынын билимине жана илимине эмгек сиңирген ишмер”, профессор Б.А. Арапов Европалатанын чечиминин негизинде диплом, алтын медаль жана Европалатанын күбөлүгү менен сыйлангандыгы тууралуу макала жалпы маалымат сайттарына жарыяланган жана ОшМУнун “Үмүт” телестудиясында көрсөтүлгөн. Тарых факультетинен профессор Т. Кадыров, доценттер

С. Смадияров, С. Арстанов ж.б. илимпоздор “Тарых жана маданият” жылына карата тарыхый маселелер боюнча ЭлТР, ОшПирим, ОшТВ ж.б. телеканалдарында маектерди, маалыматтарды беришти. Философия жана политология кафедрасынан доцент

А. Мурзакметов ЭлТРдин “Илим жана Билим” телеканалында “Дүйнө элдеринин этикети” деген темада 4 сабак өттү. Мамлекеттик тил кафедрасынын улук окутуучусу

Б. Байтикованын, профессор С. Момуналиевдин «“Таңкы маанай” китебинин жалпы мазмунун талдоо “» деген темадагы макаласы “Ош жаңырыгы” гезитинде жарык көргөн. Кыргыз филологиясы жана журналистика факультетинен профессор С. Момуналиев жана доцент А. Мырзакметов, М. Кошуевалар тарабынан ОшТВ, ОшПирим, ЭлТР телеканалдарына илимий-изилдөө иштерине байланышкан маселелер боюнча маалымат беришти. Ал эми теология факультетинен доценттер С. Мырзаибраимов, Т. Козукулов,

З. Ажимаматов, Н. Арипов, Арашан гуманитардык институтунан М. Мырзабаев,

Т. Себетовдор КТРК, ЭлТР, ОшТВ, “7-канал”, “5-канал” телеканалдарында Азаттык, ББС үналгысында, интернет сайтттарында дин таануу, Кыргызстандагы, дүйнөдөгү диний абал, маселелер боюнча дилмаектерди беришип, макалаларды, маалыматтарды жайгаштырышкан. Ал эми ага окутуучу Н. Арипов “Ош Пирим” телеканалында жана ЭлFМ үналгысында ар апта сайын жарым сааттык “Куран эмнени айтат” аттуу автордук программаны алып барат. Табият таануу жана география факультетинен профессор

К. Матикеев ЭлТР, “Башат” телеканалдары аркылуу “Кыргыздардын тарыхый географиясы” деген темада маалымат берген. Доцент Ж.Т. Молдалиев Кара-Койдогу булак суусунун химиялык курамы тууралуу видеоролик тартып, ал сууну пайдалануу, өндүрүшкө киргизүү боюнча материалдар ОшТВ, “Үмүт”, ЭлТР, Ынтымак телеканалдары аркылуу маалымат берилген. Ушул эле материалдар “Ош шамы” гезитинде да жарык көргөн. ФЮКтан доцент Б. Абдувалиева, улук окутуучу Г. Төлөновалар ЭлТР телеканалында “Көз караш” телеберүүсүнө катышышып, мамлекеттик тилге карата талкууга катышышты. Профессор Б.К. Үкүеванын «“Апам жөнүндөгү баллададагы” философиялык идеялар» аттуу макаласы “Кыргыз Туусу” гезитинде (Бишкек, 16-октябрь, 2016-жыл) жарык көргөн.