Ош мамлекеттик университетине “Ош декларациясынын” алкагындагы ички мобилдүүлүк боюнча Талас, Ысык-Көл, Баткен мамлекеттик университеттеринен келип окуп жаткан студенттерге университеттин эл аралык байланыштар бөлүмү 9-декабрь күнү “Ордендүү ОшМУга саякат” аттуу экскурсия уюштурушту.

“Өлкөбүздүн түрдүү региондорунан келген студенттер университеттин инфраструктурасы, музейи, дистанттык борбору, окуу корпустары, бардык факультеттери, китепканалары, лабораториялары менен жакындан таанышып, Ош шаарынын кооз жайларына да саякат жасатты. Саякаттын алкагында студенттерге Кыргыз-Кытай факультетинде сый тамак уюштурулуп берилди.

Конок студенттерибизге экскурсияны уюштурууга университеттин жетекчилиги, жаштар комитети колдоо көрсөттү”,-деди эл аралык байланыштар бөлүмүнүн башчысы С.Амиралиев.

2835 11:07 11-12-2017