ОшМУнун «Жылдын куратору» сынагынын жобосу

1. Жалпы жобо

1.1. Сынак ОшМУнун окутуучуларынын – студенттик тайпаларынын кураторлорунун ортосунда жүргүзүлөт;

1.2. Конкурстун максаты куратордук жумушту жакшыртууну жана тарбия берүүчүлөрдүн бул багытка кызыгуусун жаратууну көздөйт.

2. Сынакты өтк өр үүн үн тартиби

2.1. Сынак эки этап менен өтөт:

1). Факультеттин мыкты кураторун аныктоо;

2). Факультеттин мыкты кураторлорунун арасынан ОшМУнун «Жылдын кураторун» аныктоо.

2.2. Биринчи этапта кураторлордун иштери окуу жылы боюнча эки критерий менен бааланат:

- Куратордун студенттик тайпадагы жүргүзгөн тарбиялык иши «Куратор студенттин көзү менен» анкетасы аркылуу бааланат (анкета сунушталат);

- Студенттик тайпанын окуу жылындагы ишмердүүлүгүнө, жетишкендиктерине карап бааланат (баалоонун баракчасы сунушталат).

2.3. Экинчи этапта кураторлордун иштери төмөндөгү критерийлер менен бааланат:

- «Куратор студенттин көзү менен» анкетасынын жыйынтыгы жана студенттик тайпанын окуу жылындагы ишмердүүлүгүнө, жетишкендиктерине каралат;

- Декандын тарбия иштери боюнча орун басарынын куратордун ишине берген баасы (баалоонун баракчасы сунушталат);

2.4. Куратордун иштери упай топтоо системасы менен бааланат. Жеңүүчүлөр төмөндөгү критерийлерде алган жалпы упайынын жыйынтыгына карата чыгарылат:

- «Куратор студенттин көзү менен» анкетасынын жыйынтык упайы;

- Студенттик тайпанын окуу жылындагы ишмердүүлүгүнө, жетишкендиктерине берилген упайы;

- Ата-энелер чогулушун уюштуруусу;

- Декандын тарбия иштери боюнча орун басарынын куратордун ишине берген упайы;

3. Финансылык каржылоо

3.1. Сынакты финансылык каржылоо ОшМУнун ички бюджетинин эсебинен жүргүзүлөт;

3.2. Бул сынактын жалпы сыйлык фонду – … (…) сом.

4. Уюштуруу тобу

4.1. «Жылдын куратору» сынагы боюнча ОшМУнун биринчилигин уюштуруу, өткөрүү жана жыйынтыгын чыгаруу ОшМУнун тарбия департаменти тарабынан жүрүгүзүлөт.

4.2. Уюштуруу тобунун курамына:

1-этапта: ОшМУнун тарбия департаментинен, факультеттин деканатынан, профсоюз уюмунан, кафедра башчыларынан, окутуучулардан, аялдар кеңешинен, факультеттин жаштар комитетинен өкүлдөр кирет.

2-этапта: университеттин администрация жетекчилеринен, профессордук-окутуучулар курамынан, профсоюз уюмунан, аялдар кеңешинен, жаштар комитетинен, студенттерден өкүлдөр кирет.

5. Сынактын жыйынтыгын чыгаруу

5.1. Сынактын жыйынтыгын атайын түзүлгөн комиссия окуу жылынын аягында чыгарат;

5.2. Сынактын жеңүүчүлөрү эң көп упай топтогонуна карата аныкталат.

5.3. Жеңүүчүлөрдү сыйлоо:

Факультеттин мыкты кураторлорун сыйлоо:

1-орун – Факультеттин ардак грамотасы, … (…) сом акчалай сыйлык, университеттик конкурска жолдомо;

2-орун - Факультеттин ардак грамотасы, … (…) сом акчалай сыйлык;

3-орун - Факультеттин ардак грамотасы, … (…) сом акчалай сыйлык

ОшМУнун мыкты кураторлорун сыйлоо:

1-орун – ОшМУнун ардак грамотасы, … (…) сом акчалай сыйлык;

2-орун - ОшМУнун ардак грамотасы, … (…) сом акчалай сыйлык;

3-орун - ОшМУнун ардак грамотасы, … (…) сом акчалай сыйлык.

5.4. Жеңүүчүлөргө сыйлыктар ОшМУнун күнүндө салтанаттуу түрдө тапшырылат.