Онлан форматта 14-15-октябрь күндөрү уюштурулган конкурска Ош мамлекеттик университетинин 6 факультетинен 31 студент катышты.
Тандоо конкурсунда ОшМУнун төмөнкү студенттери жогорку упайларды алышты:
1. Аккулова Каниет- Кыргыз-Европа факультетинин 3-курсунун студенти;
2. Абдукаимова Даткайым- Кыргыз-Европа факультетинин 2-курсунун студенти;
3. Шерова Айкөкүл – Дүйнөлүк тилдер жана маданият факультетинин 2-курсунун студенти;
4. Тынычбеков Айбек- Бизнес жана менеджмент факультетинин 3-курсунун студенти.
ОшМУнун эл аралык байланыштар департаменти Кадис университетинин жетекчилигине гранттык орундарды бергендигине жана конкурстун тандоо турунун уюштуруучуларына ыраазычылык билдиришти.
Эске сала кетсек, ОшМУ Испаниянын Кадис университети менен Эразмус+ программасындагы эл аралык кредиттик мобилдүүлүк багытында 5 жылдан бери кызматташып келет. ОшМУнун көптөгөн студенти Кадис университетинен билим алып келишсе, бир нече окутуучулар тажрыйба бөлүшүп келишкен. Кадис университети менен биргеликте ОшМУда Кыргыз-Европа факультети ачылган.