Ош мамлекеттик университетинин чыгыш таануу жана тарых факультетинин уюштуруусунда 2020-жылдын 12-июнунда Кыргыз Республикасынын Украинадагы Элчилиги “Кыргыз-украин мамилелери” темасында видео байланыш аркылуу конок лекцияга катышты.
Онлайн конок лекцияга Ош мамлекеттик университетинин чыгыш таануу жана тарых факультетинин студенттери, магистранттары, аспиранттары жана профессордук-окутуучулук курамы катышты.
Лекциянын жүрүшүндө Элчилик тарабынан кыргыз-украин мамилелеринин түптөлүшү, азыркы абалы, эки тараптуу кызматташуунун перспективдүү багыттары, ишмердүүлүк жана жакынкы мөөнөткө коюлган максаттар тууралуу маалымат берилди.
Лекциянын соңунда окутуучулар жана студенттер менен суроо-жооп форматында диалог болду.
Элчилик университеттин жетекчилигине таажы вирусунун пандемиясынан жаралган шартта заманбап технологияны колдонуу аркылуу лекцияны уюштуруусу үчүн ыраазычылык билдирип, студенттерге окууларына ийгиликтерди каалады.