Батыш Чех университетине бараткан студенттер менен ОшМУнун ректору К.Кожобеков, эл аралык байланыштар департаментинин директору А. Абдувалиев, Батыш Чех университетинин ОшМУдагы координатору Э.Камалов жолугуп, пикир алышты.

Жолугушууда окуу жайдын ректору студенттерге ак жол каалап: " Алдыга чоң максаттарды коюп, билим сапарына аттанганы турасыңар. Силердин жүрүм-турумуңардан, билимиңерден ОшМУнун деңгээли чагылып турат. Андыктан мүмкүнчүлүктү туура пайдаланып, өзүңөргө мыкты тажрыйба топтоп келгиле"-деп билдирди. ́

Белгилей кетсек, 2016-жылдан бери Батыш Чех университетинин академиялык мобилдүүлүк алкагында кызматташуу жөнүндөгү эки тараптуу келишимдердин негизинде 80ге чукул студент, 30дан ашуун окутуучу билим сапарында болуп келди.

2010 04:19 09-03-2020