Жашоо шарттары, маанайлары, студенттердин билим алууга болгон кызыгуусу, сунуштары боюнча сураган ректор чет өлкөлүк окутуучуларды 8-март майрамы менен куттуктап, жаштарга билим, тарбия берүүдө салымдары чоң экендигин белгилөө менен жылуу сөзүн айтып, майрамдык белектерин тартуулады.
Белгилей кетсек, бүгүнкү күндө ОшМУда Кытай, Америка, Германия, Франция, Корея, Шведция сыяктуу мамлекеттерден келишимдин негизинде волонтер-окутуучу болуп мырзалардан сырткары он беш айым эмгектенип жатышат.