Сүйүктүү студенттер!
Күн айды, ай жылды курап, мезгил кербени сапарын улап, саат жебеси кагылып, кучагына берекени батырып, 2020-жыл кирип келди жаңырып.
Узап кеткен жылда жамаатыбыздын ынтымагы бекемделип,
ой-максаттар топтолду, Ордендүү ОшМУну ийгиликтер коштоду.
Жаңырган жылда биримдикти туу тутуп, дилибизге аруулукту уютуп, жумушубузда жоопкерчиликти сезип, студенттерибизге татыктуу таалим-тарбия берип, окутуучулар билим сапарын кезип, бири-бирибизге ишеним жаралып, жарык нур чачып жашайлы!
Жаңы жылда үй-бүлөңүз эсен, ден соолугуңуз бекем, тилегиңиз изги, жүзүңүздө күлкү, ийгилигиңиз мол, бийиктикке жол болсун!
Ынтымак-ырашкерликте, ОшМУ менен бирге кадамыбыз арымдап, билим берүү сапарында бир түндүккө биригип, жаратмандыкта жаңы мейкиндиктерди чогуу багынталы!
Жаңырган жаңы жылыбыз кут болсун!
Ак тилегим менен,
Кудайберди Кожобеков,
ОшМУнун ректору, доцент