ОшМУнун «Жылдын куратору» сынагынын жобосу
1. Жалпы жобо
1.1. Сынак ОшМУнун окутуучуларынын – студенттик тайпаларынын кураторлорунун ортосунда жүргүзүлөт;
1.2. Конкурстун максаты куратордук жумушту жакшыртууну жана тарбия берүүчүлөрдүн бул багытка кызыгуусун жаратууну көздөйт.
2. Сынакты өтк өр үүн үн тартиби
2.1. Сынак эки этап менен өтөт:
1). Факультеттин мыкты кураторун аныктоо;
2). Факультеттин мыкты кураторлорунун арасынан ОшМУнун «Жылдын кураторун» аныктоо.
2.2. Биринчи этапта кураторлордун иштери окуу жылы боюнча эки критерий менен бааланат:
- Куратордун студенттик тайпадагы жүргүзгөн тарбиялык иши «Куратор студенттин көзү менен» анкетасы аркылуу бааланат (анкета сунушталат);
- Студенттик тайпанын окуу жылындагы ишмердүүлүгүнө, жетишкендиктерине карап бааланат (баалоонун баракчасы сунушталат).
2.3. Экинчи этапта кураторлордун иштери төмөндөгү критерийлер менен бааланат:
- «Куратор студенттин көзү менен» анкетасынын жыйынтыгы жана студенттик тайпанын окуу жылындагы ишмердүүлүгүнө, жетишкендиктерине каралат;
- Декандын тарбия иштери боюнча орун басарынын куратордун ишине берген баасы (баалоонун баракчасы сунушталат);
2.4. Куратордун иштери упай топтоо системасы менен бааланат. Жеңүүчүлөр төмөндөгү критерийлерде алган жалпы упайынын жыйынтыгына карата чыгарылат:
- «Куратор студенттин көзү менен» анкетасынын жыйынтык упайы;
- Студенттик тайпанын окуу жылындагы ишмердүүлүгүнө, жетишкендиктерине берилген упайы;
- Ата-энелер чогулушун уюштуруусу;
- Декандын тарбия иштери боюнча орун басарынын куратордун ишине берген упайы;
3. Финансылык каржылоо
3.1. Сынакты финансылык каржылоо ОшМУнун ички бюджетинин эсебинен жүргүзүлөт;
3.2. Бул сынактын жалпы сыйлык фонду – … (…) сом.
4. Уюштуруу тобу
4.1. «Жылдын куратору» сынагы боюнча ОшМУнун биринчилигин уюштуруу, өткөрүү жана жыйынтыгын чыгаруу ОшМУнун тарбия департаменти тарабынан жүрүгүзүлөт.
4.2. Уюштуруу тобунун курамына:
1-этапта: ОшМУнун тарбия департаментинен, факультеттин деканатынан, профсоюз уюмунан, кафедра башчыларынан, окутуучулардан, аялдар кеңешинен, факультеттин жаштар комитетинен өкүлдөр кирет.
2-этапта: университеттин администрация жетекчилеринен, профессордук-окутуучулар курамынан, профсоюз уюмунан, аялдар кеңешинен, жаштар комитетинен, студенттерден өкүлдөр кирет.
5. Сынактын жыйынтыгын чыгаруу
5.1. Сынактын жыйынтыгын атайын түзүлгөн комиссия окуу жылынын аягында чыгарат;
5.2. Сынактын жеңүүчүлөрү эң көп упай топтогонуна карата аныкталат.
5.3. Жеңүүчүлөрдү сыйлоо:
ОшМУнун мыкты кураторлорун сыйлоо:
1-орун – ОшМУнун диплому, … (…) сом акчалай сыйлык;
2-орун - ОшМУнун диплому, … (…) сом акчалай сыйлык;
3-орун - ОшМУнун диплому, … (…) сом акчалай сыйлык.
5.4. Жеңүүчүлөргө сыйлыктар ОшМУнун күнүндө салтанаттуу түрдө тапшырылат.
Сунуш А
«Куратор студенттин көзү менен» (анкета)
1. Сиз өзүңүз окуган тайпанын кураторун билесизби?
а) ооба, билем – 3
б) ооба, бир нече жолу көргөмүн – 1
в) кураторубуз бар, бирок аны такыр көрбөйбүз – 0
г) биздин тайпада куратор жок – 0
2. Куратор Сиздердин тайпа менен канчалык иш алып барат?
а) жумасына бир нече жолу – 3
б) жумасына бир жолу – 2
в) сабак учурунда гана куратордук саатты кошо өтөт – 1
г) биздин тайпа менен иш алып барбайт - 0
3. Куратор сабакка келбеген, жетишпеген студенттерди көзөмөлдөп турат:
а) жума сайын – 3
б) айына бир жолу – 2
в) көзөмөл кылбайт - 0
4. Сиздердин тайпага куратор таалим-тарбия иштерин жүргүзөбү?
а) ар түрдүү темадагы тарбиялык сааттарды өтүп турат – 3
б) жүрүм-туруму начар студенттерге туура жол көрсөтөт – 2
в) таалим-тарбия иштерин кез-кез ыраатсыз жүргүзөт – 1
г) таалим-тарбия иштерин жүргүзбөйт - 0
5. Мен кураторума жакшы мамиледе кайрылам:
а) ооба, себеби ал жакшы окутуучу; жоопкерчиликтүү, чынчыл, боорукер – 3
б) азырынча кураторум жөнүндө пикир түзүлө элек – 0
в) тилекке каршы, жакшы мамиледемин деп айта албайм – 0
6. Кураторумун иши мени канааттандырат:
а) ооба, толук канааттандырат – 3
б) негизинен канааттандырат, бирок биздин тайпага дагы көбүрөөк көңүл бөлсө болот эле – 2
в) анчалык канааттандырбайт – 1
г) жок, канааттандырбайт – 0
Төмөндөгү ар бир суроонун:
ооба жообуна – 1 упай, жок жообуна – 0 упай берилет.
- Куратор сессия учурунда бизге жардамдашат:
а) ооба; б) жок.
- Куратор турмуштук көйгөйлөрүмдү чечүүгө жардамдашат (жатаканага жайгашуу ж.б.):
а) ооба; б) жок.
- Куратор биз менен сырдашып, дайыма ар түрдүү маселелерде кеңешин берип турат:
а) ооба; б) жок.
- Куратор контролдук, лабораториялык, курстук иштерди кантип жазууну үйрөтөт:
а) ооба; б) жок.
- Куратор мени студенттик маданий-массалык иш чараларга тартып турат:
а) ооба; б) жок.
- Куратор университеттин уставы ж.б. мыйзамдык жоболор, буйруктар менен тааныштырат:
а) ооба; б) жок.
- Куратор дүйнөдөгү, өлкөдөгү жаңылыктарды тайпа ичинде талкуулоону уюштуруп турат:
а) ооба; б) жок.
- Куратор жатаканадан жана студенттер жашаган жайлардан кабар алып турат:
а) ооба; б) жок.
- Куратор биздин тайпа менен жоопкерчиликтүү жана кызыгуу менен иштейт:
а) ооба; б) жок.
- Куратор биздин ата-энелерибиз менен тыгыз байланышта иш алып барат:
а) ооба; б) жок.
- Кураторубуз менен театрга, музейге барып турабыз:
а) ооба; б) жок.
Сунуш Б
Студенттик тайпанын окуу жылындагы ишмердүүлүгүн, жетишкендиктерин баалоо
Көрсөткүчтөр |
Упайынын саны |
|
Тайпанын сессиялардагы жетишүүсү |
Сессияларды «Эң жакшы», “жакшы” бааларына тапшырган студенттер |
3 % - 1 |
Сессияны кайра тапшырууда тапшырган студенттери бар тайпа конкурска катыша албайт |
Упай коюлбайт |
|
Тайпадагы студенттердин сабактарга катышуусу |
90 % дан ашык катышууга |
15 |
80-90 % га чейинки катышууга |
5 |
|
60 % дан төмөн катышкан тайпалар конкурска катыша албайт |
||
Тайпадагы айрым студенттердин олимпиадаларга катышуусу |
Эл аралык олимпиадалар |
|
1-орун |
15 |
|
2-орун |
12 |
|
3-орун |
10 |
|
Кыргыз Республикасындагы олимпиадалар |
||
1-орун |
10 |
|
2-орун |
7 |
|
3-орун |
5 |
|
Аймактык, университеттик олимпиадалар |
||
1-орун |
7 |
|
2-орун |
5 |
|
3-орун |
3 |
|
Илимий жана публицистикалык макалалары жарыкка чыккан студенттер |
Ондон ашык студент болсо |
20 |
Бир студентке |
1 |
|
Өзгөчө стипендия алган студенттер |
Кыргыз Республикасынын Президенттик стипендиясы үчүн |
10 |
Шаардын мэринин стипендиясы үчүн |
5 |
|
ОшМУнун Окумуштуулар Кеңешинин стипендиясы үчүн |
3 |
|
Университеттин, факультеттин коомдук маданий-массалык иш чараларына катышуусу |
Ай сайын театрга баруу (театралдык карталарын же билеттерин көрсөтүшөт) |
5 |
Музейлерге, көргөзмөлөргө баруу (билеттерин көрсөтүшөт) |
2 |
|
ОшМУнун маданий иш чараларына катышкан болсо (сүрөт, видеолор менен көрсөтөт) |
2 |
|
Ишембиликтерге катышуусу |
2 |
|
Шаардын, университеттин, факультеттин коомдук маданий-массалык иш чараларынын жеңүүчүлөрү |
Маданий-эстетикалык конкурстардын («ОшМУ периси», «ОшМУ мырзасы» ж.б.) жеңүүчүлөрүнө |
3-5 чейин |
Спорттук мелдештердин жеңүүчүлөрүнө |
3-5 чейин |
|
Интеллектуалдык таймаштар «Брейн-ринг», дебат, дискуссиялардын жеңүүчүлөрүнө |
3-5 чейин |
|
Жаштар комитетинин төрагасы, студенттик акыйкатчы, студкеңеш жана сектор башчылары эгер ошол студенттик тайпада окуса |
5-10 чейин |
|
Ички жана сырткы мобилдүүлүк боюнча окуп келишкен студенттер |
Бир студентке |
1 |
Бештен ашык студент окуп келсе |
10 |
|
Өтүлгөн куратордук сааттарынын иштелмелери, протоколдору |
Кураторунун иш планына ылайык өтүлгөн куратордук сааттарынын иштелмелери, протоколдору тиркелсе |
20 |
Сунуш В
Декандын тарбия иштери боюнча орун басарынын куратордун ишине берген баасы
№ |
Баалоонун критерийлери |
Упайы |
1. |
Куратордук сааттардын аткарылышы (үзгүлтүксүз өтүлүшү жана сапаты) |
5 |
2. |
Студенттер менен жекече (индивидуалдуу) иштөөсү |
3 |
3. |
Маданий-массалык, спорттук, эмгектик (ишембилик) иш чараларга тайпанын катышуусу |
4 |
4. |
Тайпанын студенттеринин сабактарга катышуу жана жетишүүсүн көзөмөлдөө иш-аракети |
5 |
5. |
Куратордун тарбия ишине кызыгуу деңгээли |
5 |
6. |
Куратордун тарбиялык иш-планы, анын аткарылышы, отчету |
5 |
7. |
Мыйзам, тартип бузуп катталган студенттер (факультетте, университетте, шаарда) |
- 2 |
8. |
Тайпанын жаман жактары менен көрүнгөн учурлары (сабактан качып кетүү, деканаттардын тапшырмаларын аткарбоо ж.б.) |
- 1 |