Шаардык деңгээлде өткөрүлгөн спорттук иш чарада ОшМУнун окутуучулары, студенттери байгелүү орундардарды камсыз кылды. Алардын ичинен 400 метрге чуркоо боюнча ОшМУнун социалдык жана тарбия иштери боюнча проректору Түмөнбай Колдошов 2-орунду, 60 жаштан жогорку ардегерлер арасында 400 метрге чуркоодо Мажит Назиров агайыбыз 3-орунду ээледи. Ал эми мектеп окуучуларынын арасында “Билим” лицейинин 9-классынын окуучусу Э. Кадыров 1 – орунду, студенттер арасында Орус филологиясы факультетинин студенттери Азимова Мадина 2-орунду , Камчыбек кызы Динара 3-орунду ээлешти. Спортту сүйүп, массалык чуркоого катышып, алдыңкы орундарды багындырган катышуучуларга уюштуруучулар тарабынан дипломдор, баалуу белектер ыйгарылды.
Шаардык деңгээлде өткөрүлгөн жеңил атлетика боюнча чуркоого ОшМУнун жамааты активдүү катышты
21:02
Бүгүн, 14-апрелде Ош шаарынын борбордук аянтында жазгы жалпы жеңил атлетика боюнча чуркоо болду. Массалык чуркоодо Ош шаарындагы мекеме-ишканалардын жетекчилери, кызматкерлери, жогорку, орто окуу жайлардын студенттери, мектеп окуучулары, саламаттыкты сактоо жана күч түзүмдөрүнүн кызматкерлери катышышты.
2634 21:02 14-04-2018