Жолугушуунун алкагында университеттин ректору Каныбек Исаков университеттин өнүгүү багыттары боюнча презентация жасап, мыкты окуган студенттердин ата - энелерине ыраазычылык каттарды тапшырды. Ошондой эле университет заманбап билим гана бербестен, улуттук таалим-тарбиялуу, бийик адамгерчиликтүү инсандарды тарбиялоого басым жасап келе жаткандыгын белгиледи.
Аталган кече Кл(б)-1-17 тайпасынын куратору Мастура Шарипованын демилгеси менен уюштурулуп, анда аталган тайпанын таланттуу студенттери тарабынан жагымдуу маанай тартуулаган концерттик программа коюлду.
Белгилей кетсек, аталган жолугушуу кечеси ата-энелер менен университеттин, студенттердин карым-катышын чыңдоо максатында уюштурулду.