Ош мамлекеттик университетинин чет тилдер факультетинин деканы Сабыргул Калыгулованын демилгеси менен 3-декабрь мүмкүнчүлүгү чектелгендердин күнүнө карата аталган факультеттин студенттери кайрымдуулук акциясын уюштурушту. Акциянын жүрүшүндө факультеттин окутуучулары, студенттери жана ата-энелер салымдарын кошушкан.

Акциядан түшкөн каражатка белектерди алган факультеттин студенттери "Ош шаардык мүмкүнчүлүгү чектелген балдар үйүнө" жана "Ош шаардык көзү азиз жана көрүүсү начар балдардын адистештирилген мектеп интернатына" барып, балдардан кабар алып, белектерин берип, концерттик программа тартуулап көңүлдөрүн көтөрүп кайтышты.

«Ден-соолугубуз чын, он эки мүчөбүз соо экенине жаратканга шүгүр кылып, сооп иштерди жасоодон эч убакта качпайлы”, -дейт аталган факультеттин жаштар комитетинин төрайымы Насыйкат Султаналиева.

6929 14:56 06-12-2016