Ош мамлекеттик университетинин жаштары университеттин 75 жылдык мааракесине жана Ош шаарынын күнүнө карата 27 -28–сентябрь күндөрү “Тазалык - ыймандын башаты” деген аталыштагы акция уюштурушту.

Алгач акциянын уюштуруучулары Ош шаарынын көчөлөрүндө шаар тургундарын тазалыкка чакырган лозунгдары менен жүрүш жасашты. Андан соң 200дөн ашуун жүрүштүн катышуучулары Ош шаарынын символу болгон ыйык Сулайман тоосун таштандылардан арылтышты.

Акциянын экинчи күнү 28-сентябрда шаардагы Новои, Токтогул эс алуу багын, Ак-Буура дарыясынын бойлорун акыр-чикирлерден тазалап, иретке келтиришти. “Акцияны уюштуруудагы негизги максатыбыз жаштарды тазалыкка үндөө, шаар тургундарын тазалыкка чакыруу болуп саналат”, -деди ОшМУнун Жаштар Комитетинин төрагасы Абылкасым уулу Канатбек.

6633 15:17 29-09-2014