2016-жылдын 18-22 – май күндөрү Ыссык-Көлдө (Роял Бич отели) «КРдагы медициналык билим берүүнүн реформалары» долбоорунун алкагында кезектеги жумушчу семинар өткөрүлдү. Аталган семинарга «MER» долбоорунун менеджери Г. С. Орозалиева, координатору Д.К. Мамбеталиева, эксперт Г.С. Бобушева, ОшМУнун медицина факультетинин тейлөөчү (1-2 курс) кафедраларынын профессордук-окутуучулук курамы, факультеттин ОМК мүчөлөрү, деканат өкүлдөрү жана ОИДдин директору К. Кожобековдор катышышты.

3 күн аралыгында өткөрүлгөн семинардын күн тартибинде НББПнын жаңы структурасы, максаты, күтүлүүчү натыйжалары (1-күнү), 1-курса тиешелүү интеграцияланган жана проблемага багытталган окуу планы, модулдук программа, семестрдик план жана болжолдуу сабактар жадыбалы (2-күнү), 2-3 - курстардын модулдарын ишке ашыруудагы милдеттер, перспективалар (3-күнү) сыяктуу өзөктүү маселелер талкууга алынды.

Иш-чаранын жыйынтыгында ушул өңүттөгү семинарларды уюштуруу маанилүү экендиги белгиленип, кийинки этабында контролдук-текшерүү жана билимди баалоо багытында аткарылуучу иштердин болжолдуу убактылары сунушталып, жалпы катышуучулар тарабынан колдоого алынды.

Белгилей кетсек, аталган иш-чара «MER» долбоорунун, КРнын Саламаттык сактоо министрлигинин жана ОшМУнун ректоратынын колдоолору аркылуу ишке ашырылды.

8351 09:23 26-05-2016