Ош мамлекеттик университетинде окуу жайдын 75 жылдык мааракесине карата Физика-техника факультетинде билим алган, бүгүнкү күндө өлкөбүздүн баардык аймактарында үзүрлүү эмгектенип жаткан жана ардактуу эс алуудагы бүтүрүүчүлөрү менен жолугушуу кечеси уюштурулду.

Жолугушуууга факультетте билим алып, учурда ОшМУда эмгектенип жаткан ардактуу агайлар КРнын Билим берүүсүнө эмгек сиңирген ишмер, ф.-м.и.д., профессор Байыш Арапов, техника илимдеринин доктору Идирис Кенжаев, окуу иштери боюнча проректору Абдыганы Абдувалиев, КРнын Билим берүүсүнө эмгек сиңирген кызматкер, персоналдык пенционер Миталиб Бакиров, физика-математика илимдеринин доктору, профессор, Кызыл-Кыя гуманитардык-педагогикалык институтунун директору Миталиб Таиров, КРнын Билим берүүсүнө эмгек сиңирген кызматкер, математика илимдеринин доктору, профессор Шамши Исмаилов, техника илимдеринин кандидаты, доцент, Ош технологиялык университетинде декан Адыл Сарымсаков, Кыргыз-Өзбек университетинде факультеттин деканы Гулзат Омурбековалар келип, агай-эжекелер,студенттер менен жолугуп, пикир алышты.

Жолугушуунун алкагында уюштуруучулар тарабынан “Физика адистигине 75 жыл” аттуу көргөзмө уюштурулду.

Салтанаттуу жыйынды концерттик программа коштоду.

6191 16:48 20-10-2014